Freyzi: Atvinnu íþróttamaður

Þá er komið að því sem allri voru búnir að bíða eftir. Ég er orðinn leiðbeinandi í Fysiken. Þannig er mál með vexti að eina leiðinn til að fá mig til að stunda líkamsrækt er með því að taka fram leðurtuðru og tvo hringi í hæð vel fyrir ofan hausin á mér. Þessa iðju hef ég stundað af kappi og þótti stjórn Fysiken komin tími til að ég hætti að borga fyrir að koma til þeirra og ég fengi nú borgað fyrir það í staðinn.

Starfið felst í því að skipta fólki í lið og sjá til þess að boltinn rúlli (skoppi?). Einnig gæti ég þurft af og til að hugga þá sem lend eitthvað óæskilega eða meiða sig á annan máta.

Menn eins og Arnar eiga eflaust eftir að gleðjast yfir þessum fréttum enda sýnt áhuga þess efnis áður.
_____________
+ 03:15 + v?n +

Þrír mótmælenda létu lífið

Ég elska vitlausa fréttamenn. Það væri gaman að fá að sjá heimildina hjá þeim sem skrifaði þessa frétt hjá Vísi. Í Gautaborg voru þrír mótmælendur skotnir. Tveir fengu minniháttar sár og einn lá á spítala í nokkrar vikur en var síðan ákærður. Það var hinsvegar engin sem lét lífið. Það hljómar þó munn meira spennandi, ekki satt.

Fréttablaðið, Mið. 29. ágú. 16:35 Hafnaði notkun myndbanda Sænskur dómstóll hafnaði í dag beiðni saksóknara um að fá heimild til þess að leita á sjónvarpsstöðinni TV4 til þess að athuga þar myndbönd frá mótmælaaðgerðum á leiðtogafundi Evrópusambandsins í Gautaborg í júní síðastliðnum í tengslum við rannsókn á lögregluofbeldi þar. Þrír mótmælenda létu lífið, en enginn lögregluþjónn hefur verið ákærður fyrir ofbeldi eða morð. 560 mótmælendur voru handteknir, en flestir látnir lausir strax aftur. Rúmlega tuttugu manns hlutu þó a.m.k. fimm mánaða fangelsisdóm. Dómstóllinn komst að þeirri niðurstöðu að fréttaflutningur í fjölmiðlum sé grundvallarþáttur í lýðræðinu og mikilvægt sé að nafnleyndar sé gætt. Fréttastjóri sjónvarpsstöðvarinnar sagði þessa niðurstöðu sigur fyrir fréttamennskuna, en saksóknarinn sagði að rannsókn málsins yrði fyrir vikið ekki jafn vönduð.

=> PRENTVÆN ÚTGÁFA

Það er hinsvegar spurning um hvort ekki sé rétt að nota allar myndbandstökur frá því í júní. Það er ljóst að bæði óeirðasegir og lögregla gerðu ýmislegt sem réttast er að dæma í. Það er nú gott að dómsvald og framkvæmdarvald er aðskilið, eða hvað?

Þessi færsla var í boði Danna
_____________
+ 14:28 + v?n +

And the winner is...Apple Computer.

Nú fær Apple aftur Emmy-verðlaun. Í þetta skipti er það fyrir FireWire. Ástæðan er sú að FireWire í tengslum við Apple auðveldar mjög sjónvarpsþáttagerð. Þetta er eins og þegar Coca Cola fékk verðlaun fyrir að halda forriturum við efnið.

heimild: CNET.com
_____________
+ 02:11 + v?n +

Við unnum dani 7-2

Nú er farið að styttast í Danmörk-Ísland á Parken í Köben. Héðan frá Gautaborg verður líklega haldið af stað í breiðri fylkingu suður með vesturströnd Svíþjóðar og innrás gerð yfir Eyrarsundsbrúna. Ég vonast eftir að fá að sjá þann gríðarlega hóp af íslendingum sem ég þekki og eru í námi í suður Svíþjoð, Danmörku og Þýskalandi. Slagurinn hefst kl. 19.15 á Parken 6. október. Miðasala hefst á föstudaginn 24. ágúst. Af öryggisástæðum, þar sem íslendingar eru nú svo miklar bullur, hefur KSÍ 4000 miða til sölu í neðri Kók-stúkunni. Verðið er 4000 kr.

Ættli það sé ekki best að rifja upp tvo merkustu leiki okkar við dani:

1968: Landsleikur í knattspyrnu. Danmörk-Ísland 14-2. Sá leikur var mesta niðurlæging okkar á öldinni sem leið og enn þann dag í dag eru tölurnar 14 og 2 eins lítið notaðar á Íslandi og hægt er. Og síðan þá höfum við aldrei unnið Dani í fótbolta. Reyndar höfum við aldrei unnið Dani í fótbolta frá því árið 1917 þegar afi minn lék með úrvalsliði Íslands. Síðustu árin sem hann lifði sagði hann mér þá sögu einu sinni í viku. Háðir voru tveir leikir. Danska landsliðið vann fyrri leikinn en áður en síðari leikurinn fór fram brugðu afi og félagar á það ráð að fara með Danina í 6 tíma langan reiðtúr útfyrir bæinn og voru valdir undir þá höstustu hestar sem þá fundust í Reykjavík. Daginn eftir voru dönsku leikmennirnir svo slæmur af harðsperrum að þeir gátu varla hlaupið. Við unnum leikinn 7-2. Vandamálið vara bara að leikurinn fékkst ekki skráður sem alþjóðlegur landsleikur vegna þess að bæði liðin heyrðu undir dönsku krúnuna.
-Hallgrímur Helgason

Síðast þegar við mættum í Köben til að keppa fór einvígið, milli okkar og dana, 177-3.
_____________
+ 15:42 + v?n +

Hálssöngur japana

Halldór maðurinn með hnerrvefinn benti mér á japanska síðu um söng þar sem bassahljóð er framkallað með hálsinum á sama tíma og flautað er með munninum (ef ég skil þetta rétt?). Hér með boða ég faganaðarerindið:

Tuvan Khoomei

p.s. vegna spurningar sem ég fékk varðandi síðustu færslu er rétt að benda á að mbl.is hefur eflaust meint opnunartíma en ekki afgreiðslutíma í fréttinni sinni. Upphaflega fréttin hefur eflaust verið þýdd af ensku. Opnunartímar eru þó ekki ósvipaðir og á íslandi. Hann ætti því ekki að koma íslendingum á óvart. Nei, ekki nema þú sért fréttamaður án löngunar til að grafa dýpra en á AP-fréttastofuna.
_____________
+ 01:43 + v?n +

Ha? Hvar...

Skoðum nánar rauðu og bláu fullyrðingarnar hér að neðan frá mbl.is um Systembolaget:

Erlent | 14.08.2001 | 13:13 Skipulagsbreytingar á döfinni hjá sænska "ríkinu" Systembolaget, sænska áfengiseinkasalan, er þekkt fyrir mikið úrval vína, starfsfólk sem er vel að sér, stuttan afgreiðslutíma og hátt verð. Þetta er allt að breytast en fyrir dyrum stendur umfangsmikil endurskipulagning á starfseminni. Sett hefur verið á ráðningabann og jafnframt er áformað að fækka starfsmönnum um 1.500, eða um 30%, á næstu misserum. Dregið verður úr framboði í mörgum verslunum og hætt verður að afgreiða áfengisflöskurnar yfir búðarborð en viðskiptavinir munu sjálfir fá að velja úr hillum. Meira

Eins og kemur fram í fréttinni er ennþá afgreiðsla yfir búðarborðið í „ríkjum“ hér í Götaborg. Þú verður að leggja fram pöntun og síðan fer afgreiðslufólkið að ná í vörurnar fyrir þig. Þetta lengir augljóslega afgreiðslutíman. Ef farið er á föstudegi er hægt að búast við hálftíma bið. Mest hef ég þurft að bíða í þrjár klukkustunir. Þetta fer þó ekki í taugarnar á Svenson því hér þrá innfæddir að standa í biðröð. Innflutir hinsvegar hafa lært að ná sér í miða og verzla annarstaðar á meðan beðið er.

Verðið er hátt, það verður ekki af því skafið. Reglulega fara Svíar til Danmerkur og kaupa sínar 96 flöskur sem leifilegt er að taka með sér þaðan. Verðið er hinsvegar hvergi í námunda við það verð sem Norðmenn eða Íslendingar borga fyrir sömu vöru í sínu landi. Nýlegur samanburður minn á 28 tegundum af rauðvíni og hvítvín í Ríkinu og Systembolaget leiddi í ljós að meðaltals-verðmunnurinn var 56%. Ekki ÁTVR í vil.

Norðmenn fara til svía til að kaupa bjór, svíar til dana, danir til þjóðverja og þjóðverjar til pólverja.
_____________
+ 17:48 + v?n +

Sænski skatturinn og Rómverjar

Skattayfirvöld hér í Svíþjóð eru komin jafnlangt og rómverjar voru komnir um 500 e.kr.. Kollegar þeirra á Íslandi hafa beðið mig um að fá skjal þar sem framkemur hvaða laun ég var með í Svíþjóð árið 2000. Þau voru hinsvegar engin eða það sem Evrópubúar lærðu af Aröbum á tímum krossferðana að tákna sem núll, 0. Þetta táknmál hefur hinsvegar ekki borist inn í kerfið hjá Riksskatteverket. Eina staðfestingin sem ég get fengið er blað með nafni og kennitölu en auðu að öðru leiti. Þ.e.a.s. það svæði sem venjulega er fullt af skattaupplýsingum er autt, ekki einu sinni tölustafurinn núll. Hvernig ætli Ríkisskattstjóri túlki slíkar upplýsingar?

Annars væri Frelsarinn í góðum málum hér í Svíþjóð. Hér geta stórfyrirtæki keypt upplýsingar af álagningarskrám viðskiptavina sinna frá Dun & Bradstreet hvenar sem er. Nú síðast var ég að biðja um þjónustu frá Telia. Röddin hinumegin á símalínuni sagði: „Augnablik, ég verð að athuga svolítið ... þú verður að leggja inn 50.000 ISK tryggingu til að geta fengið annað en Telia-Frelsi“. Daginn eftir fékk ég svo bréf frá Dun & Bradstreet þar sem mér var sagt að Telia hefði pantað upplýsingar um mig. Þær upplýsingar sem voru skráðar um mig voru að ég var ekki sænskur ríkisborgari, ég hafi flutt til landsins 9. september 2000 og að ég væri ógiftur. Tekkju upplýsingar fá Íslandi voru auðvitað ekki þar og því engar upplýsingar um fjárhaginn minn. Engin ástæða til að treysta mér því ég borgaði ekki skatt í Svíþjóð í fyrra.

...mikið var þetta leiðinleg færsla
_____________
+ 17:41 + v?n +