Í dag eru aðeinsdagar þangað til ég kem heim!

Heimferð

Þá er ég búinn að pakka og bara ein nótt eftir! Ég hef eiginlega ekkert að segja nema að mér finnst rosalega leiðinlegt að pakka og er mikið feginn að ég er búinn... en já, ég held ég kveðji bara að sinni og við sjáumst eftir helgi :-) Yfir og út.

[Gert klukkan 11:51 + 10 klst | Tölvupóstur| Tengill]

Ferðavika

Ég verð að viðurkenna að mér finnst ægilega gaman að vera túristi :-D Ég kom aftur til Brisbane í gær og er meira og minna búinn að sofa síðan... alltaf jafn hress ég! En eins og áður hefur komið fram finnst mér Sydney hin fínasta borg og ég skemmti mér stórvel.

Á mánudaginn rölti ég um í nágrenni backpackers hostelsins sem ég var á og endaði niður á Central Quays (borið fram 'keys') þar sem Óperuhúsið og brúin eru í öllu sínu veldi.

Á þriðjudaginn fórum við til Bondi Beach, aftur að Óperuhúsinu þar sem við sáum sólsetrið (ahhh...) og skelltum okkur svo á kokteilana ;-) Á miðvikudeginum fór ég í dagsferð upp í The Blue Mountains sem eru rétt fyrir utan Sydney og á fimmtudaginn hélt ég túristaleiknum áfram í borginni. Svo kom ég heim í gær eftir að hafa labbað fæturna af mér og er búinn að gera mest lítið síðan.

Ég er eitthvað að reyna að byrja á því að pakka niður fyrir ferðina heim en það er ekki það skemmtilegasta sem ég geri og það þarf því lítið til trufla þá gífurlegu einbeitingu sem svona pökkun krefst. Ég var með átta kíló af farangri niður til Sydney og það var ca. hálft prósent af því sem ég er með hérna... og ég má hafa 20kg á leiðinni heim - taumlaus gleði.

[Gert klukkan 07:54 + 10 klst | Tölvupóstur| Tengill]

Sydney rokkar

Tha er turistaleikurinn ad nalgast klimaxid! Gudrun Katrin helt afram nordur eftir strondinni i morgun, og stuttu eftir ad vid sogdum bless tok eg lestina ut a flugvoll og helt til Sydney. As we speak er eg stattur a Kings Cross i midri Sydney, og thessi stadur er thvilikt ad rokka!! Her fyrir utan er allt opid enntha klukkan 11 ad kveldi (annad en i Brisbane thar sem straeto er haettur ad ganga nuna!!), og til ad lifga adeins upp a tilveruna er vaendiskona a hverju horni - afar "girnilegar" may I add. Eg kom upp a hostel um 3leytid i dag, og helt eins og leid la nidur i gard her rett hja med thvilikt nice smabatahofn thar sem eg sleikti solina og skodadi kortid mitt. Svo helt leidin a fyrirheitna stadinn - thad er Operuhusid i Sydney og Sydney Harbour Bridge. Mig hefur langad til ad sja badar thessar byggingar eiginlega fra thvi ad eg man eftir mer, og thegar eg kom nidra Central Quay i ljosaskiptunum i dag fannst mer eins og eg vaeri ad horfa a thetta i sjonvarpinu enn einu sinni... thetta var otrulega falleg sjon og thad eina sem mig vantadi var ad pikka i einhvern og segja "va, sjadu"...

I kvold er eg svo buin ad hvila luin bein a backpackers stadnum sem eg er a en thar er fullt af skemmtilegu folki og bara mikid stud. A morgun er svo planid ad skoda Darling Harbour og Manly Beach :-)

En nu er dollarinn minn ad verda buinn og thvi kominn timi til ad kvedja.

Thetta er Sverrir Dundee sem talar fra Sydney.

[Gert klukkan 12:40 + 10 klst | Tölvupóstur| Tengill]

Blessuð tæknin

Nú er blessað tölvukerfið hér í Griffith að gera út af við mig... nú virðist póstþjónninn endanlega vera búinn að geispa golunni - notið því sjfoss@strik.is í staðinn fyrir Griffith addressuna. Auk þess hætti ég að nota Griffith netfangið eftir að ég fer héðan (sem er eiginlega um helgina) þannig að nú er að venja sig við gamla góða netfangið aftur. Og þeir sem eru að bíða eftir pósti frá mér mega bíða lengur, bæði út af ofangreindri ástæðu og því að ég er einfaldlega ekki mikið heima lengur til að skrifa póstana... túristaleikurinn you know ;-)

[Gert klukkan 12:02 + 10 klst | Tölvupóstur| Tengill]

Próflok og túristaleikur

Í gær kláraði ég síðasta prófið (húrra!) og nú er ég búinn að setja í túristagírinn ;-) Kunningi minn að heiman hún Guðrún Katrín kom í gær í heimsókn, en hún er á bakpokaferðalagi um Ástralíu þessar vikurnar. Það var voða gott að hitta kunnuglegt andlit að heiman, og við erum greinilega svona skemmtileg að við vorum á "snakkinu" til klukkan fjögur í nótt!

Svo vöknuðum við um tíuleytið og fórum í bæinn og sátum í sólinni og áttum voða fínan dag. Þegar við vorum að klára að borða kvöldmatinn niðrí bæ kom til okkar maður sem spurði á íslensku hvort við værum Íslendingar (döhh...). Það er nú frekar erfitt að neita því, og settist kauði hjá okkur í smá stund áður en við þurftum að hlaupa í strætó. Við ákváðum hins vegar að hittast á laugardagskvöldið og eyða kvöldinu saman :-)

Á morgun hins vegar ætlum við Guðrún Katrín að fara í Movie World niðrá Gold Coast og fara í einhverja rússíbana og vera meiri túristar. Svo verðum við hér í Brisbane fram yfir helgina býst ég við, og (líklega) á mánudaginn fer ég niður til Sydney þar sem ég verð fram á föstudag/laugardag. En þetta er plan númer átta (and counting)...

Anyhoo, nú ætla ég - eða við - að fara sofa enda er ég frekar þreyttur eftir daginn :-0

[Gert klukkan 12:10 + 10 klst | Tölvupóstur| Tengill]

Hæ hó jibbíjey

...það er kominn 17. júní! Ekki að öllum hér sé ekki nákvæmlega sama, fyrir utan Íslendingafélagið sem er með grillveislu niðri við á í sólinni. En þar sem ég er að fara í próf á morgun og á eftir að lesa nokkra kafla þá kemst ég ekki þangað :-(

Annars tók ég fyrsta prófið á föstudaginn sem gekk bara eins og við var að búast sossum. Svo er próf númer tvö á mánudaginn og þriðja og síðasta á miðvikudaginn. Og enn og aftur er ég kominn með nýtt plan yfir það sem ég ætla að gera áður en ég fer heim. Þetta er líklega númer sjö... hehe Guðrún Katrín Solluvinkona ætlar að koma til Brisbane á þriðjudaginn, og við ætlum að hittast og gera eitthvað skemmtilegt :-)) Þannig að Sydney fær að bíða í nokkra daga.

En annars er orðið mjög rólegt hér á campusnum, og sérstaklega í íbúðinni minni. Margir eru búnir með prófin og verkefnin, og eru því farnir heim eða eitthvert á flakk. Og þeir sem eftir eru sitja yfir skruddunum. Nú eru tvö herbergi orðin auð í íbúðinni minni, og við því bara fimm eftir - en eiginlega bara fjögur því einn kemur bara heim til að sofa og sést lítið meir.

Svo er líka orðið skítkalt hérna (enda miður vetur), því það blæs af suðri sem hér þýðir að sjálfsögðu kaldur vindur. Það er næturfrost í "uppsveitum" landsins, en hér við ströndina eru tæp tuttugu stig á daginn, en er nær 10 á nóttunni og úúúúúúú hvað það er kalt að fara fram úr á morgnanna! Og þetta er ekki djók né kaldhæðni!!

En tíminn líður, bókin bíður - verð að þjóta!

[Gert klukkan 00:27 + 10 klst | Tölvupóstur| Tengill]

Sei sei

Ég er ekki frá því að ég sakni bláu stólanna í bókhlöðunni, og bara þessarar almennu prófstemningar sem ríkir þar í desember og apríl. Maður vaknar hressilega við að standa fyrir utan hliðið í skítakulda klukkan 8 á morgnanna meðan maður bíður eftir því að það dragist rólega upp. Svo eru það þessar endalausu og ótalmörgu pásur... ahhhhh...

En núna sit ég á grænum járnstól sem snýst ekki í hringi og les frá mér allt vit... eða já, svona næstum því - og í staðinn fyrir að fara í kaffipásur á kaffistofunni spila ég Freecell. Á síðustu þremur vikum er ég búinn að spila 165 leiki og er með 69% vinningshlutfall. Þetta er sama þráhyggja og með Snake í jólaprófunum... nú er takmarkið að ná hlutfallinu upp í 80% áður en prófin eru búin!

Annars sýnist mér á öllu að ég verði vel marineraður fljótlega eftir heimkomuna ef eitthvað er að marka póstana sem ég hef verið að fá undanfarið. Gaman gaman!

En nú ætti ég að halda áfram að lesa...

[Gert klukkan 10:23 + 10 klst | Tölvupóstur| Tengill]

Heppni

Næst kaupi ég pakkaferð! Ég fór í gær á ferðaskrifstofuna og náði í flugmiðana heim, en það allt gekk ótrúlega vel miðað við það sem ég gekk í gegnum að fá flug hingað út. Og svo fór ég að púsla saman ferðalaginu hér í Ástralíu. Og það gekk allt voða vel í fyrstu, ég fékk þetta fína hostel, frábæra ferð að Ayers Rock, lestarferð með afslætti frá Sydney og upp til Alice... og svo kom að fluginu frá Alice og hingað til Briz. Það gekk ekki betur en svo að annað hvort yrði ég að borga morðfjár fyrir flugið eða sleppa Sydney alveg - því ódýra flugið sem ég vildi var fullbókað. Frekar fúlt, því ég og stúlkan á ferðaskrifstofunni vorum líklega búin að eyða rúmum klukkutíma í þetta vesen - hún var búin að skrifa alla "voucherana" og þar fram eftir götunum - og svo þurfti ég að hætta við út af EINU FLUGSÆTI! Djö. En er þetta ekki bara fín "afsökun" fyrir því að koma aftur eftir nokkur ár? Seiseijú. :-)

Ég ákvað að fara ekkert í vont skap yfir þessu og finnast þetta bara fyndið - og til að líta á björtu hliðarnar get ég núna eytt fleiri dögum í Sydney og notið þess. Kannski að maður taki lagið fyrir framan óperuhúsið?!

[Gert klukkan 00:01 + 10 klst | Tölvupóstur| Tengill]

hmmm

Sjást myndirnar sem ég set í bloggin mín? Málið er að eftir að þeir klipptu á nettenginguna inn á herbergin hef ég stundum séð þær og stundum ekki... Væri einhver til í að senda mér póst og láta mig vita? :-) Grazie.

[Gert klukkan 02:03 + 10 klst | Tölvupóstur| Tengill]

Plains, trains and automobiles

Þá er heimferðin komin á hreint - ég hringdi í Kilroy og kannaði með flugmiðana mína og ég komst í flug héðan þann 5. júlí, lendi í Amsterdam þann 6. júlí þaðan sem ég flýg heim þann 9. júlí :-) Það eru því bara 32 dagar þangað til ég kem heim og því um að gera að æfa lúðrasveitina og ryksuga rauða dregilinn ;-)

Og já, til hamingju með afmælið Árný! Greyið er búið að yfirfylla pósthólfið sitt hjá strik.is þannig að hún fær engan tölvupóst lengur og les þetta líklega ekki, en samt! Ok bæ.

[Gert klukkan 02:01 + 10 klst | Tölvupóstur| Tengill]